კობახიძის თქმით, საქართველოს რუსეთისთვის სანქციები დაწესებული არ აქვს და თუ ოკუპაციის შესახებ კანონი დარღვეული არაა, საბაჟო სამსახურს არ აქვს საფუძველი, რომ კონკრეტული პირი ქვეყანაში შემოუშვას.
"როგორც მოგეხსენებათ, საქართველო არაა მიერთებული სანქციებს, ჩვენ არ გვაქვს სანქციები დაწესებული რუსეთის ფედერაციისთვის, ამის მიზეზები არაერთხელ განიმარტა. არსებობს კანონი ოკუპაციის შესახებ, მთავარი კრიტერიუმი არის, რა თქმა უნდა, ოკუპაციის შესახებ კანონის დარღვევა არ დარღვევა. ამ შემთხვევაში თუ არ დარღვეულა ოკუპაციის შესახებ კანონი, რა თქმა უნდა, საბაჟო სამსახურს საფუძველი არ ჰქონდა იმისათვის, რომ კონკრეტული პირები არ შემოეშვა საქართველოში. დანარჩენზე, რა თქმა უნდა, შესაბამისი უწყებები გასცემენ პასუხს, მაგრამ თქვენც გირჩევთ თავიდან ბოლომდე იხელმძღვანელოთ ოკუპაციის შესახებ კანონით, რომელიც მთავარი სახელმძღვანელო პრინციპია თითოეული უწყებისთვის", - თქვა ირაკლი კობახიძემ.შეგახსენებთ, 19 მაისს "მთავარმა არხმა" ინფორმაცია გაავრცელა, რომ რუსეთის საგარეო საქმეთა მინისტრის შვილი, ეკატერინა კავროვა საქართველოში ოჯახის წევრის ქორწილისთვის იმყოფებოდა.ლავროვა სანქცირებულია აშშ-ს, დიდი ბრიტანეთისა და კანადის მიერ.
ოფიციალური უწყებები არ ადასტურებდნენ, რომ ლავროვის შვილი საქართველოში იმყოფებოდა, თუმცა მოგვიანებით ინფორმაცია პრეზიდენტმა დაადასტურა და თქვა, რომ შს მინისტრისგან მიიღო პირობ", რომ იმ რუსმა ოჯახმა, რომელიც ყვარელში ქორწილის გადახდას გეგმავდა, ტერიტორია დატოვა.