ბრიტანელი ჟურნალისტი და პოლიტიკური მიმომხილველი, დენიელ ჰამილტონი საქართველოში ლავროვის შვილის შემოსვლას ეხმაურება და წერს, რომ ეს შემთხვევითობა არაა.
ჰამილტონის თქმით, ლავროვის სანქცირებული შვილის ქვეყანაში შემოსვლა მხოლოდ საქართველოს მთავრობის გადაწყვეტილებით იქნებოდა შესაძლებელი.

"რატომ შეუშვა საქართველოს შინაგან საქმეთა სამინისტრომ ლავროვის სანქცირებული ქალიშვილი ქვეყანაში? ვრცელდება ინფორმაცია, რომ ის საქართველოში ზემო ლარსის საზღვრით გადავიდა. ეს არაა შემთხვევითობა. ეს თანამედროვე მაღალტექნოლოგიური გადასასვლელია და გადაწყვეტილება შეიძლება მიზანმიმართულად მიღებული იყოს მხოლოდ ქართული ოცნების მხრიდან", - წერს ჰამილტონი.

ცნობისთვის, ყვარელში, სასტუმრო "ყვარელი რიზორტში" რუსეთის საგარეო საქმეთა მინისტრის სერგეი ლავროვის სიძის ძმის ქორწილია დაგეგმილი. ცნობილია, რომ სტუმრების სიაში არიან ლავროვის ოჯახის წევრები, მათ შორის სანქცირებული სერგეი ლავროვის შვილი ეკატერინე ლავროვაც. დღეს დილიდან სასტუმროსთან პროტესტის ნიშნად სამოქალაქო აქტივისტები მივიდნენ, ადგილზე მობილიზებულია პოლიციაც.