უკრაინის ეროვნული უსაფრთხოებისა და თავდაცვის საბჭოს მდივნის, ოლექსი დანილოვის განცხადებით, ბევრმა ქვეყანამ დაიწყო სიტუაციის ესკალაცია, რათა უკრაინა აგრესორთან მოლაპარაკების მაგიდასთან რუსეთის პირობებით დასვან.
„ახლა უბრალოდ სიტუაციის ესკალაცია ხდება, რათა რაც შეიძლება მალე დაგვსვან მოლაპარაკების მაგიდასთან რუსეთის პირობებით. დიდი კამპანია მიმდინარეობს. ამაზე სხვადასხვა ქვეყნიდან ბევრი წინადადება ჟღერდება, მაგრამ გაითვალისწინეთ, დარწმუნებული ვარ, რომ თუ რამეზე ვისაუბრებთ და პრეზიდენტი მიიღებს ასეთ გადაწყვეტილებას, ეს იქნება მხოლოდ ჩვენი ქვეყნის პირობებით“, - აღნიშნა დანილოვმა.
მისი თქმით, რუსი დიქტატორი არის "ნაძირალა, რომელმაც 500 უკრაინელი ბავშვი მოკლა" და ეს ცივილიზებულმა ხალხმა უნდა გაიგოს.
"როდესაც ზოგიერთი ამბობს, რომ პუტინი არ არის ტერორისტი და არ არის ის, ვინც დაიწყო ეს ომი, მაშინ ეს ადამიანი სრულ ჭკუაზე ვერ არის“, - აღნიშნა დანილოვმა.