ფაშიზმზე გამარჯვების დღესთან დაკავშირებით სამოქალაქო აქტივისტებმა, ოპოზიციის წარდგენილებმა  ლისის ტბაზე საქართველოსა და უკრაინის თავისუფლებისთვის მებრძოლი გმირების ძეგლი ყვავილებით შეამკეს. გმირი მებრძოლები გაიხსენა საქართველოში უკრაინის ელჩის მოვალეობის შემსრულებელმა, ანდრეი კასიანოვმა.
როგორც კასიანოვმა თქვა, დღეს 8 მაისს, თბილისში ახალი ტრადიცია ინერგება, რომლითაც ისინი იხსენებენ ყველას, ვინც ებრძოდა ფაშიზმს ნებისმიერ დროსა და ადგილას. 

"ჩვენ ქედს ვიხრით უკრაინელი და ქართველი მეომრების წინაშე. მათი სახელები სამუდამოდ დარჩება უკრაინელი და ქართველი ხალხის მეხსიერებაში და მათ საპატივსაცემოდ დარგული ყვავილები ყოველთვის დარჩება დამოკიდებული ქვეყნების სიცოცხლის წყურვილის სიმბოლოდ. მინდა დიდი მადლობა გადავუხადო კომპანია "ლისი დეველოპმენტსა" და ბატონ მამუკა ხაზარაძეს ასეთი დიდი წვლილისთვის. დღეს, 8 მაისს თბილისში ჩვენ ვნერგავთ ახალ ტრადიციას და ვიხსენებთ ყველას, ვინც ებრძოდა ფაშიზმს ნებისმიერ დროსა და ადგილას," - თქვა ანდრიი კასიანოვმა. 

შეგახსენებთ, რომ დღეს დასავლური სამყარო ფაშიზმზე გამარჯვების დღეს აღნიშნავს.