"სანქციები მიმართული უნდა იყოს ივანიშვილზე, სწორედ ის უნდა იყოს სამიზნე და არა ქვეყანა" | ფუკუიამა
ამერიკელი პოლიტოლოგი, ფრენსის ფუკუიამა ამბობს, რომ საქართველოს მთავრობას ქვეყნის ევროკავშირში გაწევრიანება არ სურს და სწორედ ამ ამოცანის ნაწილია ნიკა გვარამიასა და მიხეილ სააკაშვილის პატიმრობა.
ამის შესახებ ფუკუიამამ "მთავარი არხის" გადაცემაში Post Factum ისაუბრა. მისი თქმით, დასავლეთმა სანქციები არა საქართველოს, არამედ პირადად ბიძინა ივანიშვილს უნდა დაუწესოს.
ამის შესახებ ფუკუიამამ "მთავარი არხის" გადაცემაში Post Factum ისაუბრა. მისი თქმით, დასავლეთმა სანქციები არა საქართველოს, არამედ პირადად ბიძინა ივანიშვილს უნდა დაუწესოს.
"საქართველოს დასავლელმა მეგობრებმა არ უნდა დასაჯონ საქართველო მისი მთავრობის ცოდვების გამო. ვფიქრობ, ამ ხელისუფლებას სინამდვილეში არ სურს ევროკავშირში გაწევრიანება, იმის მიუხედავად, რომ საჯაროდ საპირისპიროს ამტკიცებენ. ამიტომაც ურთულებენ ევროპელებს ამოცანას, რომ მიიღონ საქართველო. თქვენი გენერალური დირექტორის დაპატიმრება და სააკაშვილის მდგომარეობა ამის ნაწილია. ხელისუფლების მიზანი ისაა, რომ ამ ყველაფრის შემხედვარემ ევროპამ საქართველოს განაცხადზე უარი თქვას. ასე რომ სანქციები მიმართული უნდა იყოს დემოკრატიის მთავარ საფრთხეზე, კერძოდ კი ივანიშვილზე. სწორედ ის უნდა იყოს სანქციების სამიზნე და არა ქვეყანა", - თქვა ფუკუიამამ.