ღარიბაშვილი - "ომი არ ჩერდება... ტურბულენტურ გეოპოლიტიკურ გარემოში ჩვენს მთავრობას განსაკუთრებული გონიერება მართებს"
"ქართული ჯარი იმსახურებს ყველაფერს საუკეთესოს. ჩვენი ვალია, მაქსიმალურად დავაფასოთ თქვენი ღვაწლი და თქვენი ღირსეული სამსახური. საქართველოს მთავრობა აკეთებს ყველაფერს იმისთვის, რომ კიდევ უფრო მეტად გავაძლიეროთ ქართული ჯარი, იმისთვის რომ კიდევ უფრო მეტად იყოს დაფასებული თითოეული თქვენგანის სამსახური. დღეს ძალიან რთული დროა მთელ მსოფლიოში. რუსეთის აგრესია უკრაინაში, ომი, რომელიც არ ჩერდება. ისედაც რთულად პროგნოზირებად, ტურბულენტურ გეოპოლიტიკურ გარემოში ჩვენს მთავრობას, ჩვენს ხელისუფლებას, განსაკუთრებული გონიერება მართებს". - თქვა პრემიერმა ღარიბაშვილმა ვაზიანში საქართველოს თავდაცვის ძალების 32 წლის იუბილესთან დაკავშირებულ ღონისძიებაზე.