"ოცნებას" ფსონი რუსეთზე აქვს დადებული - მანჯგალაძე
"სტრატეგია აღმაშენებლის" წევრი პაატა მანჯგალაძე ფიქრობს, რომ ხელისუფლება რუსეთის საწინააღმდეგო რეზოლუციებში მონაწილეობას მხოლოდ იიმიტომ არ იღებს, რომ ფსონი ოკუპანტი ქვეყნის გამარჯვებაზე აქვს დადებული.
ოპოზიციის წევრის თქმით, "ოცნება" რუსეთი ხელისუფლების შენარჩუნების საქმეში პარტნიორად მიაჩნია.
ოპოზიციის წევრის თქმით, "ოცნება" რუსეთი ხელისუფლების შენარჩუნების საქმეში პარტნიორად მიაჩნია.
ის როგორც პარლამენტში იმალება, ისე დაიმალა. რატომ იქცევიან ასე? იმიტომ რომ, მე კი არ მეხალისება, როცა საქართველოს მოქალაქეზე, საქართველოს ხელისუფლებაზე ვლაპარაკობ, რომ ისინი არიან პრორუსები. აი, ეს არის მტკიცებულება იმის, რომ ისინი რუსეთის საწინააღმეგო რეზოლუციებში მონაწილეობას ერიდებიან. რატომ? რუსეთი რომ არ გაღიზიანდეს მაგიტომ კი არა, ფსონი აქვთ დადებული რუსეთის გამარჯვებაზე და აი, ამიტომ ერიდებიან, იმიტომ, რომ რუსეთი მიაჩნია პარტნიორად ხელისუფლების შენარჩუნების საქმეში, - ამბობს პაატა მანჯგალაძე.საქართველოს ხელისუფლებამ უკრაინელი ბავშვების რუსეთში ძალადობრივი დეპორტაციის წინააღმდეგ მიღებულ რეზოლუციას მხარი არ დაუჭირა. დოკუმენტზე, რომელიც ევროსაბჭოს საპარლამენტო ასამბლეაში გუშინ მიიღეს, საქართველოს ხელისუფლების არცერთი წარმომადგენლის ხელმოწერა არ ფიქსირდება. არადა, სტრასბურგში "ქართული ოცნების" რამდენიმე ლიდერი იყო ჩასული, თუმცა ისინი იქიდან სწორედ მაშინ წამოვიდნენ, როდესაც უმაღლესი ტრიბუნა უკრაინელი ბავშვების მხარამჭერ რეზოლუციას იღებდა.