ჩეხეთის საგარეო საქმეთა მინისტრმა იან ლიპავსკიმ, რუსეთის საგარეო საქმეთა მინისტრის კლოუნი უწოდა და თქვა, რომ ტერორისტი რუსეთის ხელმძღვანელობა ტრიბუნალის წინაშე უნდა წარსდგეს. მინისტრის ეს კომენტარი მოჰყვა ჩეხეთის პრეზიდენტზე ლავროვის განცხადებას. 

"კლოუნი ლავროვის განცხადებები ჩვენი პრეზიდენტის მისამართით უბრალოდ სასაცილოა. რუსეთი ტერორისტული სახელმწიფოა და მისი ხელმძღვანელობა საერთაშორისო ტრიბუნალის წინაშე უნდა წარსდგეს", - დაწერა ლიპავსკიმ Twitter-ზე.

მანამდე რუსეთის საგარეო საქმეთა სამინისტროს ხელმძღვანელმა თქვა, რომ ჩეხეთის პრეზიდენტის რეაქცია უკრაინის მიმართ ჩინეთის პოზიციაზე "შეუსაბამოა პოლიტიკურ ნორმებთან".