"მოსკოვს ბახმუტში წინსვლა აქვს, თუმცა მათი დანაკარგები მნიშვნელოვნად აღემატება უკრაინულისას" | მალიარი
უკრაინის თავდაცვის მინისტრის მოადგილე, ჰანა მალიარი ამბობს, რომ ქალაქ ბახმუტის ზოგიერთ რაიონში რუსი ჯარები გარკვეულწილად წინ მიიწევენ, თუმცა მათი დანაკარგები რამდენჯერმე აღემატება უკრაინულისას.
"მტერმა მთელი ძალისხმევა გაატარა, რომ ქალაქი მათი კონტროლის ქვეშ მოექციათ. რუსებს იქ კონცენტრირებული ჰყავთ არა მხოლოდ მათი მთავარი პროფესიული დანაყოფები - ვაგნერი, სპეცრაზმი, საჰაერო თავდასხმის ჯარები, ასევე აგზავნიან იარაღსა და აღჭურვილობას. მათ არ შეუძლიათ ჩვენთან ქუჩის ბრძოლები, რადგან ისინი იქ მარცხდებიან, ამიტომ მათ მიმართეს დადასტურებულ სირიულ ტაქტიკას და ფაქტობრივად ანადგურებენ შენობებს. ასეთ მდგომარეობაში პოზიციების დაკავება ძალიან რთულია, ფაქტობრივად, შეუძლებელია მათი შეკავება ასეთ სიტუაციაში. მართლაც, ზოგიერთ რაიონში არის მტრის უმნიშვნელო წინსვლა.როგორც მალიარმა აღნიშნა, ბახმუტში რუსული ძალების შეკავება მნიშვნელოვანი ამოცანაა, არა მხოლოდ იმიტომ რომ უკრაინამ შეძლო მოსკოვისთვის ზარალის მიყენება, არამედ იმიტომ რომ ხელი შეუშალა რუს ჯარისკაცებს შემდგომ წინსვლაში.
მათთვის [რუსებისთვის] ეს ალბათ, ერთ-ერთი ყველაზე ძვირადღირებული ოპერაციაა, რადგან ეს რუსეთს უკვე დაუჯდა ბევრი აღჭურვილობა და იარაღი, რომლებიც სხვათა შორის, [უკრაინულმა] შეიარაღებულმა ძალებმა დიდწილად გაანადგურეს. ისინი იქ დიდ ზარალს განიცდიან. ეს დანაკარგები რამდენჯერმე აღემატება ჩვენს დანაკარგებს", - თქვა მალიარმა.