რუსეთი სამხედრო სპეცრაზმის გარეშე დარჩა, უკრაინაში რუსი მებრძოლების 95%-მდე დაიღუპა , - ამის შესახებ ინფორმაციას The Washington Post, ამერიკელ სამხედრო ექსპერტებზე და სატელიტურ სურათებზე დაყრდნობით ავრცელებს.

გამოცემა წერს, რომ რუსი სამხედრო მეთაურები უკრაინაში  შეჭრის პირველ თვეებში ხშირად იყენებდნენ სპეცდანიშნულების ბრიგადებს, რომლის შედეგადაც  ელიტარული ქვედანაყოფები, რომელთა მომზადებას მინიმუმ 4 წელი სჭირდება, თითქმის მთლიანად დამარცხდნენ.
"ხუთი ცალკეული ბრიგადიდან, რომლებიც უკრაინის საბრძოლო ოპერაციებიდან 2022 წლის ზაფხულის ბოლოს დაბრუნდნენ, ყველა მათგანმა განიცადა მნიშვნელოვანი ზარალი." წერს  The Washington Post
გამოცემის ცნობითვე, პენტაგონის დოკუმენტებში ნათქვამია, რომ რუსეთს შეიძლება დაახლოებით ათი წელი დასჭირდეს, რათა რეალურად აღადგინოს სპეცრაზმის საბრძოლო მზადყოფნა.