უკრაინის რადამ დაამტკიცა რეზოლუცია, რომელიც NATO-ს წევრ ქვეყნებსა და NATO-ს საპარლამენტო ასამბლეას მოუწოდებს, ხელი შეუწყონ უკრაინის ალიანსში გაწევრიანება, - ამის შესახებ ინფორმაციას უკრაინული მედია ავრცელებს.
რეზოლუციას 352-მა დეპუტატმა დაუჭირა მხარი და მისი მიზანია, NATO-ს წევრმა ქვეყნებმა საჭირო ნაბიჯები გადადგან იმისთვის, რომ ბუქარესტის 2008 წლის სამიტზე მიღებული გადაწყვეტილება უკრაინის NATO-ში შეერთებასთან დაკავშირებით, სისრულეში მოიყვანონ. 
პარლამენტი NATO-ს მოუწოდებს, რომ ლუქსემბურგში, NATO-ს საპარლამენტო ასამბლეის საგაზაფხულო სესიაზე დაამტკიცონ უკრაინის მხარდამჭერი დეკლარაცია და ამით ქვეყანა უფრო ახლოს მიიყვანონ ალიანსში გაწევრიანებასთან.