კოლეგებს ვუცხადებ სრულ თანადგომას, ვიქნები მათი ხელშეუხებლობის გარანტორი - ქადაგიძე
იუსტიციის საბჭოსა და უზენაესი სასამართლოს თავმჯდომარე, ნინო ქადაგიძე ამბობს, რომ ის სასამართლო სისტემაში კორუფციის არსებობის თაობაზე განცხადებებს ვერ მიიღებს.
ამის შესახებ ქადაგიძემ იუსტიციის უმაღლეს საბჭოში პრემიერმინისტრთან შეხვედრის შემდეგ გამართულ ბრიფინგზე განაცხადა. ქადაგიძემ სანქცირებულ კოლეგებს თანადგომა გამოუცხადა.
ამის შესახებ ქადაგიძემ იუსტიციის უმაღლეს საბჭოში პრემიერმინისტრთან შეხვედრის შემდეგ გამართულ ბრიფინგზე განაცხადა. ქადაგიძემ სანქცირებულ კოლეგებს თანადგომა გამოუცხადა.
"წლების განმავლობაში სასამართლო იდგა არაერთი გამოწვევის წინაშე, მაგრამ მე მინდა ხმამაღლა ვთქვა, რომ არც ერთხელ, არც ერთ ეტაპზე, ისეთი რეალური, ისეთი ნამდვილი და ისეთი ხელშესახები მიღწევა არ ყოფილა, როგორც იყო კორუფციისგან თავისუფალი სასამართლო სისტემა. შესაბამისად, მე ვერ მივიღებ ვერცერთ განცხადებას სასამართლოში კორუფციის არსებობის თაობაზე. ჩემი თხოვნის მიუხედავად, მე არ მომეწოდა არათუ დასაბუთებული მტკიცებულებები, რამედ ვარაუდი და მინიშნებებიც კი იმის თაობაზე, თუ რა გახდა ჩემი კოლეგების კორუფციაში დადანაშაულების საფუძველი, ამიტომ მე მათ ვუცხადებ სრულ თანადგომას", - თქვა ნინო ქადაგიძემ.