ფრაქცია "ქართული ოცნების" თავმჯდომარე, მამუკა მდინარაძე ამბობს, რომ პრეზიდენტის გამოსვლა პარლამენტში იყო უკიდურესად ტენდენციური. მისივე აზრით, პრეზიდენტმა მიზნად დაისახა, "ოცნების" პიარული გარუსების კამპანიას შეუწყოს ხელი.

"დღეს ჩვენ საქართველოს პარლამენტში და ეს არ მგონია მხოლოდ ჩემი ან ჩვენი შეფასება იყოს, სამწუხაროდ, მოვისმინეთ უკიდურესად ტენდენციური გამოსვლა, წინა დღეებშიც ამისი მოლოდინი დავაფიქსირეთ, ოღონდ ამას თავისი კონკრეტული მიზნები გააჩნდა. 2011 წლიდან მოყოლებული, ჯერ კიდევ იმ დროიდან მოყოლებული, როცა "ქართული ოცნება" არ იყო ჯერ ხელისუფლებაში, დაიგეგმა სპეცოპერაცია ქართული ოცნების პიარული გარუსების შესახებ, და ამ სპეცოპერაციის, ამ მავნებლობის მსხვერპლი, ქალბატონი სალომეც გახლდათ 2018 წელს, თუმცა შეიძლება ხელშეწყობაც იყო ამისი მისი მხრიდან, მაგრამ იყო ეს ნარატივი სამწუხაროდ პრეზიდენტობის კანდიდატზეც გატარებული, ეს გრძელდება დღესაც, მაგრამ დღეს სამწუხაროა იმდენად რამდენადაც თავად პრეზიდენტმა ერთ-ერთ მიზნად როგორც ჩანს დაისახა რომ ამ ნარატივს თავად შეუწყოს ხელი. ერთ-ერთი მიზანი მისი გამოსვლის და მთავარი მიზანი, ძირითადი, ეს გახლდათ", - თქვა მამუკა მდინარაძემ. 

მდინარაძემ ზურაბიშვილს ჰკითხა იგივე პოზიცია აქვს თუ არა მას 2008 წლის ომთან დაკავშირებით. მისივე თქმით, იციან "ნაცმოძრაობის" კონკრეტული მიზანი - პოლარიზაცია და დღეს ზურაბიშვილმა სტარტი მისცა პოლარიზაციის ახალ ტალღას - "დღეს თქვენ გააღრმავეთ პოლარიზაცია, დასტარტეთ, სტარტი მიეცით პოლარიზაციის ახალ ტალღას".
მდინარაძემ ასევე იკითხა, ხომ არ ემთხვევა ზურაბიშვილის დღევანდელი პოზიცია პირდაპირ თუ ირიბად "რადიკალური ოპოზიციის" მიზანს, რომ ქვეყანამ კანდიდატის სტატუსი ვერ მიიღოს.

"თქვენ დღეს, ყველა თქვენი წინადადებით და ნარატივით გააძლიერეთ ნაცმოძრაობის ცრუ კამპანიაც, გააძლიერეთ მათი მიზნებიც ამ ქვეყნის საწინააღმდეგოდ", - თქვა მდინარაძემ. 

მდინარაძემ პრეზიდენტი გააკრიტიკა ქალთა უფლებების საკითხზე გაკეთებული განცხადებების გამოც