ვინ დაუფინანსა ანტიამერიკული წიგნის გამოცემა  და როგორ მოხვდა "ლუციფერის მხილება" პარლამენტში? - მწერალი ალექსანდრე ქოჩიაშვილი პირველ განმარტებებს "ტვ პირველთან" აკეთებს. 
ალქოჩარი ამტკიცებს, რომ პარლამენტის აპარტში ანტიდასავლური წიგნი საკუთარი ნებით მიიტანა და მანდვე დატოვა იმ დეპუტატების სია, ვისაც საჩუქარი გაუკეთა. 
წიგნის ავტორი, რომელიც  ამერიკაზე, როგორც ლუციფერზე საუბრობს, "პირველებთან" ამტკიცებს, რომ "ლუციფერის მხილების" გამოსაცემად საჭირო თანხა ბანკიდან არ გამოუტანია. აკადემიკოსმა თავდაპირელად თქვა, რომ ფული ისესხა, შემდეგ კი "პირველებს" უთხრა, რომ დანაზოგით ისარგებლა.
ამასთან, არაერთი კითხვის მიუხედავად,  ალექსანდრე ქოჩიაშვილი არ ამბობს, რომელმა გამომცემლობამ დაუბეჭდა წიგნი. 
ალქოჩარი იმეორებს, რომ "ამ საქმეში არავინ არ არის". 

ეს წიგნი აუცილებელია, რომ მაგათ (დეპუტატებმა) წაიკითხონ, რადგან პრობლემებში ვერ იხედებიან და ზედაპირულად ხედავენ მათ. ჩემი წიგნი კი სერიოზულ ინფორმაციას შეიცავს. წიგნი პარლამენტშიც პირადად  შევიტანე, კანცელარიას გადაცევი სია და ვუთხარი ეს წიგნები დაერიგებინათ... ამ საქმეში არავინ არ არის. რომელმა გამომცემლობამ გამოსცა წიგნი რა მნიშვნელობა აქვს. დაინტერესდით შინაარსით"- უთხრა "პირველებს" მწერალმა. 

ალექსანდრე ქოჩიაშვილი აცხადებს იმასაც, რომ მეცნირებათა აკადემიაში პრეზინტაცია არ ჰქონია. 
რაც შეეხება ქვეყნის ოკუპაციას, ალქოჩარი მარტივ კითხვას - სცემს თუ არა პუტინს პატივს და არის თუ არა რუსეთი ოკუპანტი პირდაპი პასუხს არ გასცემს: 

"რუსეთი ფორმალურად ოკუპანტია...  ერთი სიტყვით რაღაც ისტორიული მოვლენის შეფასება არასწორია"- აღნიშნავს წიგნის ავტორი და იქვე ამტკიცებს, რომ "პუტინი, ბაიდენი და ზელენსკი ერთ საქმეს აკეთებენ" - თქვა მწერალმა.