თეთრი სახლი ეროვნული უსაფრთხოების საკითხებში მრჩევლის ჯეიკ სალივანისა და პრეზიდენტს სალომე ზურაბიშვილის შეხვედრაზე ოფიციალურ განცხადებას ავრცელებს. 
განცხადების თანახმად, მათ განიხილეს საქართველოში ბოლო დროს განვითარებული მოვლენები და ხაზი გაუსვეს მათი ქვეყნების საერთო ინტერესს საქართველოს ევროატლანტიკური ინტეგრაციის მიმართ.
თეთრი სახლის ცნობით, მათ ისაუბრეს პრეზიდენტ ზურაბიშვილის ადვოკატირებაზე ერთიანი და ინკლუზიური მიდგომის შესახებ რეფორმების მიღწევისთვის, რაც აუცილებელია ევროკავშირის წევრობისთვის საქართველოს კანდიდატურის გასაძლიერებლად.

"მათ ასევე განიხილეს საერთო შეშფოთება საგარეო დაფინანსების მიღებისთვის სამოქალაქო საზოგადოების ორგანიზაციების რეგისტრაციისა და სტიგმატიზაციის შესახებ კანონმდებლობასთან დაკავშირებით, რამაც შესაძლოა, შეაფერხოს ასობით ქართული არასამთავრობო ორგანიზაციის მნიშვნელოვანი მუშაობა, რომელიც მიმართულია მათი თემების გაუმჯობესებისკენ. ისინი მიესალმნენ მთავრობის ბოლო გადაწყვეტილებას, გაიწვიონ ორი კანონპროექტი. 
და ბოლოს, მათ განიხილეს იმის უზრუნველყოფის საჭიროება, რომ რუსეთმა იგრძნოს სრული ეკონომიკური ფასი იმ სანქციების, საექსპორტო კონტროლის და სხვა ეკონომიკური შეზღუდვების, რომლებიც აშშ-მა და 30-ზე მეტი მოკავშირისა და პარტნიორის კოალიციამ დააწესა რუსეთის წინააღმდეგ, რათა პასუხი აგებინოს პუტინს უკრაინაში წარმოებული ომისთვის. სალივანმა ხაზგასმით აღნიშნა, რომ საქართველოს მხრიდან საჭიროა, თავიდან აიცილოს, რომ არ გახდეს სანქციების თავის არიდების ან გვერდის ავლის გზა.",- ნათქვამია განცხადებაში.