რუსეთის თავდაცვის სამინისტრო უკრაინაზე დღევანდელ მასირებულ სარაკეტო იერიშს ბრიანსკის რეგიონში მომხდარ "ტერაქტზე" პასუხს უწოდებს.

„2 მარტს კიევის მიერ ორგანიზებული ტერორისტული ქმედებების საპასუხოდ ბრიანსკის რეგიონში, რუსეთის შეიარაღებულმა ძალებმა მასიური საპასუხო დარტყმა მიაყენეს. მაღალი სიზუსტის იარაღმა, მათ შორის ჰიპერბგერითმა Kinzhal-მა, დაარტყა უკრაინის სამხედრო ინფრასტრუქტურის, თავდაცვის მრეწველობისა და ენერგეტიკის ძირითად ობიექტებს, მიზანი მიღწეული იქნა, მოხვდა უკრაინის ყველა დანიშნულ სამხედრო ინფრასტრუქტურის ობიექტს“, - ამტკიცებს ოკუპანტი.

მათივე მტკიცებით, შეფერხებულია სარეზერვო და უცხოური იარაღის სარკინიგზო ტრანსპორტირება უკრაინისთვის.
შეგახსენებთ, რუსული მედიის ინფორმაციით, 2 მარტს, ბრიანსკის რაიონში "უკრაინელი დივერსანტები" შეიჭრნენ და მოსახლეობა ტყვედ აიყვანეს. 
დღეს აგრესორმა უკრაინაზე მასიური სარაკეტო იერიში მიიტანა. გენერალ ვალერი ზალუჟნის ინფორმაციით, რუსებმა 81 რაკეტა გაუშვეს, საიდანაც უკრაინის საჰაერო თავდაცვამ 34 გაანადგურა. დაბომბვებს მშვიდობიან მოსახლეობაში მსხვერპლი მოჰყვა.