ბახმუტთან მოკლული ან დაჭრილი რუსების რაოდენობა დღეში 500-მდეა - რეზნიკოვი
რუსეთი აგრძელებს შეტევას ბახმუტთან და მძიმე დანაკარგებს განიცდის. როგორც უკრაინის თავდაცვის მინისტრმა ოლექსი რეზნიკოვმა Bild-თან ინტერვიუში განაცხადა, ქალაქი თითქმის ნახევარი წელია იცავს თავს.
"რუსებმა ეს ნელი შეტევა ექვსი თვის წინ დაიწყეს და ჩვენ ვდგავართ ექვსი თვის განმავლობაში. რუსების დანაკარგები ყოველდღიურად 500-მდე მოკლულსა და დაჭრილს შეადგენს“ ,- თქვა რეზნიკოვმა.გერმანული გამოცემის ჟურნალისტმა ჰკითხა უკრაინის თავდაცვის სამინისტროს ხელმძღვანელს, რამდენ სამხედროს კარგავს უკრაინის არმია დღეში, ბახმუტის დაცვის დროს. თუმცა რეზნიკოვი პირდაპირ პასუხს მოერიდა.
„უკრაინის დანაკარგებზე არ გეტყვით, არის ომი, არის დანაკარგები, არიან დაღუპულები და დაჭრილები, მაგრამ ეს ბევრად ნაკლებია, ვიდრე რუსების დანაკარგები",- აღნიშნა მან.რეზნიკოვმა ხაზგასმით აღნიშნა, რომ უკრაინელებსა და რუსებს შორის დიდი განსხვავებაა და თქვა: "რუსები მათს ჯარისკაცებს ხორცსაკეპ მანქანასავით იყენებენ, მათთვის ჯარისკაცები მხოლოდ ქვემეხის საკვებია. ინდივიდუალური მებრძოლის სიცოცხლე ჩვენთვის ძალიან ძვირფასია"