თქვენ რა გაინტერესებთ, მე არ მაინტერესებს, თქვენი ინტერესი ჩემთვის საინტერესო არ არის - საგარეო ურთიერთობათა კომიტეტის თავმჯდომარის პირველი კომენტარი პარლამენტში მიმდინარე მოვლენებზე.  სწორედ მან უნდა უხელმძღვანელოს  გაერთიანებული კომიტეტების სხდომას, სადაც რუსული კანონპროექტი უნდა განიხილონ, თუმცა სხდომა ჯერჯერობით ვერ იწყება ოპოზიციის პროტესტის გამო.
სამხარაძეს კითხვები ფეისბუქ ლაივის რეჟიმში, "ლელოს" დეპუტატმა სალომე სამადაშვილმა დაუსვა და დაინტერესდა, რა პასუხი აქვს თავისი სტუდენტებისთვის, რომლებმაც გუშინ მიმართეს და მოუწოდეს, არ დაუჭიროს მხარი კანონს, რომელიც ქვეყანას ევროპულ მომავალს ართმევს:
"ჩემს სტუდენტებს მივწერე პასუხი და შემდეგ კვირას ვხვდები მათ" - ამბობს სამხარაძე.