წუხილის საგანი ძირითადად დასახელებებია - აცხადებს პარლამენტის თავმჯდომარე შალვა პაპუაშვილი ევროკავშირის წევრი ქვეყნების ელჩებთან შეხვედრის შემდეგ.
"ოცნების" რუსულ კანონპროექტთან დაკავშირებით, პაველ ჰერჩინსკი და 27 ქვეყნის წარმომადგენლები საკანონმდებლო ორგანოში შალვა პაპუაშვილსა და საგარეო ურთიერთობათა კომიტეტის თავმჯდომარეს შეხვდნენ:

"გასაგებია, რომ არის მცდელობა დისკუსიის სტიგმატიზების, თუმცა მიუხედავად ამისა, რომ არის დიდი ტალღა სტიგმატიზების, ჩვენ დიდი დრო დავუთმეთ იმაზე საუბარს, თუ რა მნიშვნელობა აქვს გამჭვირვალობას.
წუხილის საკითხი არის მხოლოდ ის ნაწილი, რომელიც შეეხება დასახელებებს. არც გუშინ, არასამთავრობო ორგანიზაციებთან შეხვედრაზე და არც დღეს, რაიმე კატეგორიული წინააღმდეგობა შინაარსთან დაკავშირებით, რომელიც ეხება გამჭვირვალობას არ ყოფილა. პირიქით, აქ არის ურთიერთგაგება. კითხვები და წუხილი შეეხება დასახელებებს“, - განაცხადა პაპუაშვილმა ელჩებთან შეხვედრის შემდეგ.

შეხვედრა 3 საათის განმავლობაში მიმდინარეობდა და იქიდან გამოსულმა ევროკავშირის ელჩმა აღნიშნა, რომ "არ იყო იოლი დისკუსია".