"აბსოლუტური ტყუილი და აბსურდი" - სარჯველაძე ივანიშვილის მიმართ გაჟღერებულ ბრალდებებზე
"ქართული ოცნება" ირწმუნება, რომ ბიძნა ივანიშვილს პუტინისთვის ბოდიში არ შეუთვლია და არც აფხაზეთის გაცვლას გეგმავდა ნატოზე. მიხეილ სარჯველაძე ამბობს, რომ მსგავსი ბრალდებები ლოგიკურად გაუმართავია და მისი აბსურდულობა ადვილად აღმოსაჩენია.
ვინმეს თუ სჯერა, უბრალოდ, რომ 9 წლის წინ მომხდარ ამბავს ახლა რომ იხსენებს ადამიანი, ამის დამაჯერებლობას იოტისოდენა დამაჯერებლობა თუ აქვს, უბრალოდ, ამას ვიტყვი... რასაკვირველია, რომ აბსურდია და უბრალოდ, ლოგიკურადაც გაუმართავია ყველაფრიდან გამომდინარე... ოდნავ კრიტიკულად თუ შეხედავთ ამ განცხადებას, მის ტექსტს, მის შინაარსს და დააკავშირებთ ერთმანეთს, ძალიან მარტივად, აი, პრიმიტიულად აღმოჩენადია ის, რომ ეს არის აბსოლუტური ტყუილი, - ამბობს სარჯველაძე.ინგა გრიგოლიას "რეაქციაში" რესპუბლიკელების" ლიდერმა ხათუნა სამნიძემ თქვა, რომ იყო შემთხვევა, როდესაც ივანიშვილმა პუტინს ბოდიში შეუთვალა. მოგვიანებით იგივე დაადასტურა დავით ბერძენიშვილმაც, რომელაც დაამატა, რომ ოლიგარქს სურდა ნატოში გაწევრიანების სანაცვლოდ აფხაზეთი დაეთმო.