კრემლის მორიგი პროპაგანდა მოლდოვაში - მოსკოვმა მაია სანდუ და ვოლოდიმირ ზელენსკი დნესტრისპირეთის წინააღმდეგ პროვოკაციების მცდელობაში დაადანაშაულა. რუსული მედიის ინფორმაციით, კრემლში ამტკიცებენ, რომ მოლდოვა და უკრაინა დესტაბილიზაციისთვის მზად არიან დნესტრისპირეთის წინააღმდეგ სამხედრო ძალაც გამოიყენონ. 
დაძაბული ვითარების ფონზე მოლდოვის საჰაერო სივრცეში ფრენები დროებით შეაჩერა ავიაკომპანია ვიზეარმა.  
მოსკოვის განცხადებებს უარყოფს უკრაინა და კრემლს მოლდოვაში დესანტების გადასროლაში ადანაშაულებს. უკრაინელი ექსპერტების აზრით მოსკოვი ცდილობს მოლდოვაზე კონტროლი დესტაბილიზაციის გზით აღადგინოს.