"გვყავს ხელისუფლება, რომელიც ამ ომში გულის სიღრმეში გულშემატკივრობს რუსეთს"- ასე აფასებს "გირჩის" ლიდერი, ზურაბ ჯაფარიძე საქართველოს ხელისუფლების უმოქმედობას, გუშინდელ დღესთან დაკავშირებით. 
ჯაფარიძის თქმით, "ოცნების" ხელისუფალნი ომში უკრაინის დამარცხებას ელოდებიან, რომ მერე თქვან, მართლები ვიყავით და ამიტომ არ ჩავედით უკრაინაში.

"გვყავს ხელისუფლება, რომელიც ამ ომში გულის სიღრმეში გულშემატკივრობს რუსეთს. რადგან 10 წლის განმავლობაში ამ ქვეყანაში გაატარა ისეთი პოლიტიკა, რომ რუსეთი არ უნდა გავაღიზიანოთ, მუხლებზე ვუდგეთ, დავუჩოქოთ, არაფერი გავაკეთოთ ჩვენი ქვეყნისთვის ისეთი, რაც შეიძლება რუსეთისთვის გამაღიზიანებელი და ჩვენთვის კარგი იყოს და ა.შ. ამის გამო არიან რუსეთისკენ, რომ შემოტრიალდნენ და გვითხრან: აი, მოიგო რუსეთმა. ხედავთ, ჩვენ მართლები ვიყავით. მაგის გამო არ ჩავიდნენ "- ამბობს ჯაფარიძე.

შეგახსენებთ, რომ გუშინ, 24 თებერვალს, რუსეთ-უკრაინის ომის ერთი წლის თავზე, კიევში საქართველოს მთავრობის არც ერთი წარმომადგენელი არ ჩავიდა. თუმცა ადგილზე იყვნენ ჩვენი ოპოზიციონერი ლიდერები.