BBC რამდენიმე მედიაზე დაყრდნობით წერს, რომ რუსეთის რამდენიმე ქალაქში უკრაინის მხარდამჭერი აქციები იყო. 
ყაზანში ადგილობრივმა მოსახლეობამ ლენინსკის ბაღში უკრაინის დანგრეული ქალაქების ფოტოები და ომის საწინააღმდეგო ნიშნები მიიტანა, იუწყება ტელეგრამის არხი - Avtozak LIVE.
წერს TV2 წერს, რომ ტომსკში გამოჩნდა უკრაინისადმი სოლიდარობის სპონტანური მემორიალი. ამავდროულად, პოლიციამ დაიწყო მორიგეობა ქალაქის იმ ადგილებში, სადაც მოსახლეობას საპროტესტო აქციაზე წასვლა შეუძლია.
ხაბაროვსკში დააკავეს აქტივისტი, რომელიც ომის წლისთავზე პიკეტზე წავიდა.
ვლადივოსტოკში ასევე დააკავეს პიკეტის მონაწილე პირი პლაკატით "ნუ იბრძვი". როგორც ცნობილია, ორივე აქტივისტი პოლიციიდან ოქმის შედგენის გარეშე გაათავისუფლეს.