აშშ-ის ელჩი საქართველოში საქართველოსთან რუსეთის პირდაპირი ფრენების აღდგენის საჭიროებას ვერ ხედავს. კელი დეგნანს მიაჩნია, რომ რუსეთში მცხოვრებ საქართველოს მოქალაქეებს სამშობლოში დაბრუნება ისედაც შეუძლიათ.
ელჩის თქმით, საქართველოსთვის უმჯობესი იქნება  თუ რუსეთისგან ცეცხლის შეწყვეტის შეთანხმების შესრულებას ვნახავთ.

როდესაც გადახედავ საქართველოს ისტორიას, დაინახავ, რომ იგი სავსეა რუსეთის მხრიდან დარღვეული პირობებით, იმის მცდელობით, რომ საქართველოსთვის წაერთმიათ იდენტობა, სუვერენიტეტი და დამოუკიდებლობა. ჩემი აზრით, საქართველოს მოსახლეობას ურჩევნია, მოისმინოს ის, რომ რუსეთის ჯარები ტოვებს საქართველოს ტერიტორიას და ის, რომ რუსეთის ემორჩილება 2008 წლის ცეცხლის შეწყვეტის შეთანხმებას, ვიდრე ცნობები პირდაპირი ფრენების აღდგენასთან დკაავშირებით. მე არ მგონია, რომ ქართულ ოჯახებს, ვინც რუსეთში ცხოვრობს, არ შეუძლიათ ქვეყანაში დაბრუნება, მითუმეტეს, რომ ძალიან ბევრი რუსი ჩამოდის საქართველოში. ჩვენ მჭიდროდ ვთანამშრომლობთ სასაზღვრო პოლიციასთან, საბაჟოსთან, ყველა უწყებასთან იმისთვის, რომ დავეხმაროთ საქართველოს დაემორჩილოს საერთაშორისო სანქციებს. ასევე, ძალიან მნიშვნელოვანი შესაძლებლობა იხსნება საქართველოსთვის, რომ გახდეს დერეფანი ძუა აზიიდან ევროპამდე. ჩვენ ამ მიმართულებითაც ვთანამშრომლობთ თქვენს ქვეყანასთან, რომ შეძლოს გამოიყენოს ეს შანსი და ამავდროულად, დაიცვათ საერთაშორისო სანქციები, - განაცხადა დეგნანმა.