აშშ-ს მიერ უკრაინისთვის გამოყოფილი სამხედრო დახმარების 3 მილიარდიანი პაკეტი Bradley-ს ჯავშანმანქანებს, თვითმავალ ჰაუბიცებს და ასობით ათას საბრძოლო მასალას მოიცავს
აშშ-ის თავდაცვის დეპარტამენტმა იმ იარაღის დეტალური სია გამოაქვეყნა, რომელსაც უკრაინა 3, 075 მილიარდი დოლარის ღირებულების ყველაზე დიდი დახმარების პაკეტის ფარგლებში მიიღებს.
ახალი პაკეტი მოიცავს Bradley-ს ტიპის 50 ჯავშანმანქანას, ასევე 500 ტანკსაწინააღმდეგო რაკეტას და მათთვის განკუთვნილი 25 მმ-იანი კალიბრის 250 000 საბრძოლო მასალას.
აშშ უკრაინაში ასევე გაგზავნის M113 ტიპის 100 ჯავშანტრანსპორტიორს, 55 შეჯავშნილ მანქანას ნაღმსაწინააღმდეგო დაცვით (MRAP), 138 მაღალი გამავლობის ტაქტიკურ მანქანა Hummer-ს, HIMARS-ის სარაკეტო სისტემისთვის განკუთვნილ რაკეტებს, 18 ერთეულ 155 მმ-იანი კალიბრის თვითმავალ ჰაუბიცებს, ასევე სხვადასხვა სახის ჭურვებს საჰაერო თავდაცვისა და მაღალი მობილურობის საარტილერიო სარაკეტო სისტემებისთვის, ტყვიამფრქვევებს, სნაიპერულ შაშხანებსა და სხვა იარაღს.