უკრაინის შეიარაღებული ძალების საჰაერო თავდაცვის ძალების ინფორმაციით, დღეს დილით მასიური სარაკეტო შეტევისას გამოყენებული იყო 69-ზე მეტი რაკეტა, საიდანაც 54 გაანადგურეს.
გენერალური შტაბის მთავარი ოპერატიული დეპარტამენტის უფროსის მოადგილის, ბრიგადის გენერალ ოლექსი გრომოვის ინფორმაციით, მტერმა დილის 7 საათიდან მასიური სარაკეტო შეტევა განახორციელა უკრაინის ტერიტორიაზე და გამოიყენა საჰაერო და საზღვაო საკრუიზო რაკეტები, საზენიტო მართვადი რაკეტები და S-300 და S-400 საზენიტო სარაკეტო სისტემები. 
თავდასხმა უკრაინის სამხრეთ, ცენტრალურ, აღმოსავლეთ და დასავლეთ რეგიონებში, ენერგეტიკულ და კრიტიკულ ინფრასტრუქტურულ ობიექტებზე მოხდა.
"მტერმა გამოიყენა 69-ზე მეტი რაკეტა. ჩვენი ქვეყნის საჰაერო თავდაცვის ძალებმა და საშუალებებმა გაანადგურეს 54 რაკეტა", - განაცხადა გრომოვმა.
ბრიგადის გენერალმა ასევე აღნიშნა, რომ 23-დან 28 დეკემბრის ჩათვლით მტერმა გამოიყენა 23 კამიკაძე დრონი, რომელთაგან 19 განადგურა. 
დღეს, 29 დეკემბერს, დილით,  რუსმა ოკუპანტებმა უკრაინაზე მორიგი მასიური სარაკეტო შეტევა მიიტანეს. უკრაინის შეიარაღებული ძალების საჰაერო ძალების სარდლობის თანახმად, რუსები სტრატეგიული ავიაციის თვითმფრინავებიდან და გემებიდან საჰაერო და საზღვაო საკრუიზო რაკეტებით სხვადასხვა მიმართულებით თავს დაესხნენ უკრაინას. ასევე დაფიქსირდა ოკუპანტების ტაქტიკური ავიაციის მაღალი აქტიურობა.
ენერგეტიკის სამინისტროს ცნობით, თავდასხმის დროს უკრაინის რამდენიმე ენერგეტიკული ობიექტი დაზიანდა. მძიმე ვითარებაა ქვეყნის დასავლეთით, ოდესასა და კიევის რაიონებში.