"რუსი ინვესტორები სამხრეთ ოსეთსა და აფხაზეთში კერძო ინვესტიციებისთვის მზად არიან" - ამის შესახებ 
რუსეთის ეკონომიკური განვითარების მინისტრის მოადგილე, დიმიტრი ვოლვაჩი საქართველოს დროებით ოკუპირებულ ტერიტორიებთან დაკავშირებით საუბრობს. 

"სახელმწიფო პროგრამებით ნაკლებად სავარაუდოა ინვესტიციებთან დაკავშირებული ვითარების გარდატეხა. ჩვენ და თქვენ გვჭირდება კერძო ინვესტიცია. რუსი ინვესტორები მზად არიან განახორციელონ ეს ინვესტიციები "სამხრეთ ოსეთსა" და აფხაზეთში“, - ამბობს ვოლვაჩი.

გარდა ამისა, ვოლვაჩმა ე.წ. სამხრეთ ოსეთისა და ოკუპირებული აფხაზეთის ბიუჯეტში საკუთარი შემოსავლების წილის ზრდაზე მიუთითა.