ჩხრეკა მიხეილ სააკაშვილის პალატაში - ცოტა ხნის წინ ვივა მედი ეკა ხერხეულიძემ დატოვა. მისი თქმით, საკნად გადაკეთებულ პალატაში, გუშინ პენიტენციურმა სამსახურმა ჩხრეკა ჩატარდა. რას ემსახურებოდა საგამოძიებო მოქმედებები, უცნობია.
გუშინ ჩატარდა ჩხრეკა და შედგა ოქმი და მან მთხოვა მედიისთვის მეცნობებინა, რომ მოხდა აღწერა ოთახის. არ ვიცი რა არის მოღებული, მაგრამ ჩატარდა ჩხრეკა - ამბობს ეკა ხერხეულიძე.
მესამე პრეზიდენტი კი მის საქმეში ძიების ფედერალური ბიუროს ჩართვას ითხოვს. როგორ მოხვდა მძიმე მეტალები  ორგანიზმში - FBI-ის ბიუროს ჩართვას ითხოვს მისი ადვოკატიც. შალვა ხაჭაპურიძის თქმით, ორ საქმეზე უკვე არსებობს პრეცედენტი, როცა საქართველოში მიმდინარე გამოძიებაში FBI ჩაერთო და სააკაშვილის საქმის მნიშვნელობიდან გამომდინარე, ვერ ხედავს პრობლემას, რატომ არ უნდა ჩაერთოს ძიებაში ამერიკული საგამოძიებო უწყება.