რუსეთი ბირთვული არსენალის განვითარებასა და გაფართოებაზე მუშაობს - ოსტინი
აშშ-ის თავდაცვის მდივნის, ლოიდ ოსტინის თქმით, რუსეთი თავის ბირთვულ არსენალს "ავითარებს და აფართოებს". რუსეთის პრეზიდენტი, ვლადიმერ პუტინი აგრძელებს მუქარას კონფლიქტში ბირთვული იარაღის გამოყენებასთან დაკავშირებით.
ოსტინის თქმითვე, რუსეთის ბირთვული არსენალის გაფართოებასთან ერთად საფრთხეს წარმოადგენს ჩინეთის ბირთვული ძალებიც, რომლებიც იზრდებიან, მოდერნიზდებიან და დივერსიფიკაციას განიცდიან.
ოსტინის თქმითვე, რუსეთის ბირთვული არსენალის გაფართოებასთან ერთად საფრთხეს წარმოადგენს ჩინეთის ბირთვული ძალებიც, რომლებიც იზრდებიან, მოდერნიზდებიან და დივერსიფიკაციას განიცდიან.
"მაშინ, როცა კრემლი აგრძელებს სასტიკ და არაპროვოცირებულ ომს უკრაინის წინააღმდეგ, მთელმა მსოფლიომ დაინახა, რომ პუტინი ჩართულია ღრმად უპასუხისმგებლო ბირთვულ მუქარაში", - თქვა ოსტინმა.ცნობისთვის, 7 დეკემბერს პუტინმა თქვა, რომ ბირთვული ომის საფრთხე კვლავ არსებობს და ის კიდევ უფრო იზრდება. პუტინმა სხდომაზე ასევე აღნიშნა, რომ რუსეთი "ჭკუიდან არ შეშლილა" და იცის, რა არის ბირთვული იარაღი.