ემზადება თუ არა რუსეთი ახალი მასირებული თავდასხმისა და პროვოკაციისთვის უკრაინაში? - ვარაუდს გერმანული გამოცემა "შპიგელი" სარატოვის სამხედრო აეროდრომის სატელიტურ ფოტოებზე დაყრდნობით გამოთქვამს და აფრთხილებს უკრაინას ახალი, მძიმე საჰაერო თავდასხმის შესახებ.
სტატიის ავტორს ვარაუდის საფუძველს, სარატოვის სამხედრო აეროდრომზე, "Engels 2-ზე", გარკვეული აქტივობები აძლევს. 
გამოცემა სატელიტურ ფოტოებს ეყრდნობა, რომელშიც ჩანს, რომ აეროდრომზე განთავსებულია დაახლოებით 20-მდე შორი მანძილის ბომბდამშენები: "ტუ-95" და ,"ტუ 160", ასევე საწვავის ავზები, საბრძოლო მასალები, მანქანები და სარემონტო მასალები, დიდი სატვირთო თვითმფრინავი, რომლითაც საკრუიზო რაკეტები გადაიტანეს.