ჩინეთის ლიდერის სი ძინპინის თქმით, ჩინურ-ამერიკული ურთიერთობები რთულ ვითარებაშია და სწორედ, ამიტომ ურთიერთობების განვითარებისთვის სწორი კურსი უნდა დაისახოს.  სი ძინპინის განცხადებით, ორ ქვეყანას შორის ურთიერთობები გლობალურ მოლოდინებს არ შეესაბამება. 
„ამიტომ, ჩვენ უნდა დავსახოთ სწორი კურსი ჩინეთ-ამერიკის ურთიერთობებისთვის. ჩვენ უნდა ვიპოვოთ სწორი მიმართულება ორმხრივი ურთიერთობების გასავითარებლად და ახალ დონეზე უნდა ავიყვანოთ“, - აცხადებს სი ძინპინი. მისივე თქმით, მსოფლიო მოელის, რომ ჩინეთი და შეერთებული შტატები სათანადოდ წარმართავენ ურთიერთობებს. 
თავის მხრივ, თეთრი სახლის ლიდერმა ჯო ბაიდენმაც განაცხადა, რომ მზად არის შეინარჩუნოს ღია კომუნიკაციის ხაზები პირად და სახელმწიფო დონეზე.