რუსეთმა აშშ-ს წვრთნების შესახებ აცნობა, რომელიც მათ შორის სტრატეგიულ ბირთვულ ძალებს მოიცავს, – ამის შესახებ ინფორმაციას პენტაგონი ავრცელებს.
პენტაგონმა ხაზგასმით აღნიშნა, რომ ეს არის რუტინული წვრთნები და აშშ თვალყურს ადევნებს მას.
”წვრთნების დაწყების თაობაზე ამერიკული მხარისთვის ინფორმაციის მიწოდებით რუსეთი ასრულებს შეიარაღების კონტროლის თაობაზე აღებულ ვალდებულებებს", – აცხადებენ თავდაცვის უწყებაში.
ცნობისთვის: 17 ოქტომბრიდან ნატო–მ დაიწყო წვრთნები, რომლის სცენარი ბირთვული ომის შემთხვევაში ალიანსის შესაბამის ქმედებებს ითვალისწინებს. ალიანსში აცხადებენ, რომ სწავლება, რომელიც 30 ოქტომბრამდე გაგრძელდება, არის რუტინული.