კიევში, გუშინ დაბომბილი კორპუსის ნანგრევებში მე-6 ცხედარი იპოვეს
კიევის მერის ინფორმაციით, უკრაინის დედაქალაქზე, გუშინდელი დრონებით მიტანილ იერიშს კიდევ ერთი მსხვერპლი ჰყავს. საცხოვრებელი კორპუსის ნანგრევებიდან მეექვსე ადამიანის, ხანშიშესული ქალის ცხედარი ამოიყვანეს. შევჩენკოს რაიონს ოკუპანტები ირანული დრონებით თავს 17 ოქტომბრის დილას დაესხნენ, რამაც ერთ-ერთი საცხოვრებელი კორპუსის აფეთქება და ნგრევა გამოიწვია. დაღუპულთა შორის არის 6 თვის ორსული და მისი მეუღლე.