ჩვენ ვაღიარეთ საქართველოს ევროპული პერსპექტივა, ახლა კანდიდატ ქვეყნებზეა დამოკიდებული მათი ინსტიტუტების რეფორმირება და ჩვენი კავშირისკენ წინსვლა - ეს განცხადება ევროკომისიის პრეზიდენტმა ურსულა ფონ დერ ლაიენმა ბრიუსელში, ამბასადორიალზე გააკეთა.
მან ყურადღება გაამახვილა ევროკავშირში გაწევრიანების მსურველ ქვეყნებზე და თქვა, რომ ცვლილებების ქარმა კიდევ ერთხელ დაუბერა ევროპაში.

„უკრაინა და მოლდოვა ახლა ჩვენს კავშირში გაწევრიანების კანდიდატები არიან. ჩვენ ვაღიარეთ საქართველოს ევროპული პერსპექტივაც. ცვლილებების ქარმა კიდევ ერთხელ დაუბერა ევროპაში, ისევე, როგორც 1970-იან წლებში, როდესაც ესპანეთმა, პორტუგალიამ და საბერძნეთმა აირჩიეს დემოკრატია ან როცა თავისუფლებისთვის მებრძოლებმა დაანგრიეს ბერლინის კედელი. რა თქმა უნდა, კანდიდატ ქვეყნებზეა დამოკიდებული მათი ეკონომიკებისა და ინსტიტუტების რეფორმირება და ჩვენი კავშირისკენ წინსვლა. მაგრამ ჩვენი პასუხისმგებლობაა მათი მხარდაჭერა ყველა შესაძლო გზით. ეს არის ევროპის მომენტი. ჩვენზეა დამოკიდებული ამ მომენტის გამოყენება“, – აღნიშნა ევროკომისიის პრეზიდენტმა.

ევროკავშირი ასევე შეთანხმდა, რუსეთის მიერ უკრაინის და საქართველოს ოკუპირებულ ტერიტორიებზე გაცემული პასპორტების არ აღიარების პოლიტიკაზე