უკრაინის დედაქალაქის მერი რუსეთის მიერ კიევზე განხორციელებულ თავდასხმაზე წერს და მოსახლეობას განსაკუთრებული სიფრთხილისკენ მოუწოდებს:
"დედაქალაქი რუსი ტერორისტების თავდასხმის ქვეშაა! რაკეტები მოხვდა ობიექტებს ქალაქის ცენტრში (შევჩენკოვის რაიონში) და სოლომიანსკის რაიონში. საჰაერო განგაში და შესაბამისად საფრთხე გრძელდება.
მივმართავ დედაქალაქის ყველა მცხოვრებს: განგაშის დროს დარჩით თავშესაფრებში. თუ გადაუდებელი საჭიროება არ არის, უმჯობესია დღეს ქალაქში არ გახვიდეთ.
ამასთან დაკავშირებით, გარეუბნის მცხოვრებლებსაც ვთხოვ - დღეს არ შემოვიდნენ დედაქალაქში.
კიევის ცენტრალური ქუჩები სამართალდამცველებმა გადაკეტეს, სამაშველო სამსახურები მუშაობენ,"- აცხადებს ვიტალი კლიჩკო.
შეგახსენებთ, დღეს დილიდან აგრესორი რუსეთი უკრაინის დედაქალაქს ბომბავს.