NATO-ს გენერალურმა მდივნის, იენს სტოლტენბერგის თქმით, უკრაინის მხრიდან, პუტინის მიერ ანექსირებული ტერიტორიების დაბრუნება აჩვენებს, რომ უკრაინა პროგრესს განიცდის და შეუძლია რუსულ ძალებს უკან დაახევინოს.
თემასთან დაკავშირებით მან NBC-ის ეთერში ისაუბრა და აღნიშნა, რომ უკრაინის ქალაქების გათავისუფლებაში მნიშვნელოვან როლს ასრულებს ის იარაღები, რომლებსაც ქვეყანას შეერთებული შტატები და სხვა მოკავშირეები აწვდიან.

"ჩვენ ვნახეთ, რომ მათ შეძლეს აეღოთ ახალი ქალაქი, ლიმანი და ეს აჩვენებს იმას, რომ უკრაინელები პროგრესს განიცდიან, შეუძლიათ რუსული ძალების უკან დახევა მათი გამბედაობის, სიმამაცის, უნარების გამო, მაგრამ, რა თქმა უნდა, ასევე იარაღის გამო, რომელსაც შეერთებული შტატები და სხვა მოკავშირეები აწვდიან", - თქვა მან.

სტოლტენბერგის თქმით, საუკეთესო გზა, რუსეთის მიერ გამოცხადებულ ანექსიასთან დასაპირისპირებლად, უკრაინის მთავრობის მხარდაჭერის გაგრძელებაა.
რაც შეეხება შეკითხვას, უკრაინის NATO-ში დაჩქარებული წესით მიღებაზე, სტოლტენბერგმა თქვა, რომ ნებისმიერი გადაწყვეტილება წევრობაზე კონსენსუსით უნდა იქნას მიღებული და ამაზე 30-ვე ქვეყანა უნდა თანხმდებოდეს.