ჩეჩნეთის რესპუბლიკის მეთაურის რამზან კადიროვის განცხადებით, ახალი ტაქტიკის წყალობით, ჩეჩნეთის ქვედანაყოფების მებრძოლების ერთობლივი მოქმედებები მოკავშირეთა ძალებთან „შესანიშნავ შედეგებს იძლევა“.
„სპეციალური ძალები „ახმატი“ რუსეთის გმირის, ჩეჩნეთის რესპუბლიკის უშიშროების საბჭოს მდივნის აპტა ალაუდინოვის მეთაურობით წარმატებით უპირისპირდება ნაციონალისტების ძალებს დონეცკის სახალხო რესპუბლიკის ტერიტორიებზე. ჩეჩნური დანაყოფების მებრძოლების ქმედებებს, რომელიც მოკავშირეთა ძალებთან ერთად ხორციელდება, შესანიშნავი შედეგები მოაქვს. უკვე აშკარაა, რომ მტერი მზად არ იყო ჩვენი ახალი ტაქტიკისთვის. ის ყოველდღიურად განიცდის დიდ ზარალს“, - განაცხადა კადიროვმა.
მან დასძინა, რომ დასავლური იარაღი, „რომლითაც ასე ამაყობს უკრაინული მხარე, არ აძლევს მას რაიმე უპირატესობას ღია დაპირისპირებაში“.
კადიროვის თქმით, „ბრძოლის ველზე გადამწყვეტ როლს თამაშობს მებრძოლების მოტივაცია და მათი მზადყოფნა გმირული საქმის გაკეთებისთვის სამართლიანი საქმისთვის“.