გოგაშვილი - დიპლომატიურ საფარქვეშ მომუშავე სპეცაგენტების სია "ოცნებამ" შესათანხმებლად მოსკოვში გადაიგზავნა
ე.წ. სკრიპალების საქმე - სუს-ის ყოფილი შეფი ციხიდან მორიგ სკანდალურ ინფორმაციას ავრცელებს. სოსო გოგაშვილი რუსეთის საელჩოებში დიპლომატიურ საფარქვეშ მომუშავე სპეცაგენტების გაძევებაზე საუბრობს და აცხადებს, რომ სპეცაგენტების სიის მომზადება მას დაევალა.
პატიმარი გოგაშვილი ირწმუნება, რომ 10 კაციანი სია შეადგინა, თუმცა ის "ოცნებამ" "შესათანხმებლად" ჯერ მოსკოვში გაგზავნა.
მისივე განცხადებით, ოკუპანტი ქვეყნიდან ქართულ მხარეს მხოლოდ ერთი ქალისს მონაცემები გადმოუგზავნეს, რომელიც ამ სიაში საერთოდ არ იყო.
პატიმარი გოგაშვილი ირწმუნება, რომ 10 კაციანი სია შეადგინა, თუმცა ის "ოცნებამ" "შესათანხმებლად" ჯერ მოსკოვში გაგზავნა.
მისივე განცხადებით, ოკუპანტი ქვეყნიდან ქართულ მხარეს მხოლოდ ერთი ქალისს მონაცემები გადმოუგზავნეს, რომელიც ამ სიაში საერთოდ არ იყო.
груსული ოცნება ნაწილი პირველი - სკრიპალების საქმე.
ქართული ოცნება არ არის პრორუსული ძალა, ის არის რუსული პარტია. რა თქმა უნდა ე.წ. დეპუტატებს ყველას ამას არც ეტყვიან. ამიტომაც მზად არიან “დაიგინონ”, ამიტომ იმათთვის, ვინც ჯერ ისევ მზად არის ,,დაიგინოს’’. ვურჩევ გაეცნონ ქვემოთ მოცემულ ინფორმაციას. ალბათ ყველას გახსოვთ დიდ ბრიტანეთში რუსეთის სპეცსამსახურების მიერ სკრიპალების “ნოვიჩოკით“ მოწამვლის ამბავი. მაშინ მთელი მსოფლიოს ცივილიზებულმა თანამეგობრობამ გადაწყვიტა მკაცრი პასუხი გაეცათ რუსეთისთვის. სოლიდარობის ნიშნად მათ რუსეთის საელჩოებში დიპლომატიურ საფარქვეშ მომუშავე სპეცაგენტები გააძევეს ქვეყნიდან. მოლაპარაკებების შედეგად საქართველომაც გადაწყვიტა ე.წ. სოლოდარობის აქციაში ჩართვა. პირადად მე დამევალა სია იმ სპეცაგენტების, რომლებიც მუშაობდნენ შვეიცარიის საელჩოს რუსეთის სექციაში. გავაკეთეთ 10 კაციანი სია, (“ფსბ”, “გრუ” და “ევრ”) დიპლომატიურ საფარქვეშ მომუშავე სპეცაგენტების, რომელიც გადავეცი გომელაურს, რათა გადაეგზავნა საგარეო საქმეთა სამინისტროში. თუმცა სია გადაიგზავნა შესათანხმებლად ჯერ მოსკოვში. იქიდან გადმოგვცეს მხოლოდ ერთი ქალბატონის მონაცემები, რომელიც ამ სიაში საერთოდ არ იყო. ის მუშაობდა საელჩოში, მაგრამ არ იყო კავშირში სპეცსამსახურებთან და არ ჰქონდა დიპლომატის სტატუსი, იყო რიგითი თანამშრომელი. ჩვენი გადაგზავნილი სია გაგვიუქმეს, ჩვენმა რუსმა “ქოცებმა”, “შეგვაქეს” კარგი მუშაობისთვის და გვითხრეს , რომ გაგვეძევებინა ეს ქალბატონი. თავის მხრივ რუსეთმა გამოგვიძევა ნამდვილი დიპლომატი. თქვენი უცხოელი პარტნიორები მიხვდნენ ამ სამარცხვინო ნაბიჯის მიზეზს, მაგრამ ხმამაღლა რეაგირება ბუნებრივია ამაზე არ მომხდარა. ეს გახლავთ ჩვენი სპეცსამსახურების ოკუპანტ რუსებთან კოლაბორაციის ერთ-ერთი მაგალითი. გაგრძელება იქნება…
სოსო გოგაშვილი,
306-ე საკანი." ნათქვამია გოგაშვილის წერილში.