„როგორც ასლან აბაშიძე აფეთქებდა ხიდებს საქართველოს წინააღმდეგ, ისე აფეთქებენ „ქართული ოცნების“ წარმომადგენლები ხიდებს ევროპასთან“, - ამის შესახებ „ნაციონალური მოძრაობის“ ერთ-ერთმა ლიდერმა ლევან ბეჟაშვილმა განაცხადა. მისი თქმით, საქართველოს საგარეო კურსი შეცვლილი აქვს.
„საგარეო კურსის მკვეთრ ცვლილებასთან გვაქვს საქმე, იმიტომ რომ ბიძინა ივანიშვილი ინტერესებში არ შედის კანდიდატის სტატუსის მიღება. როგორც ასლან აბაშიძე აფეთქებდა ხიდებს საქართველოს წინააღმდეგ, ისე აფეთქებენ „ქართული ოცნების“ წარმომადგენლები ხიდებს ევროპასთან და ამით ცდილობენ, საქართველოს მდგომარეობა კიდევ უფრო დაამძიმონ“, - აცხადებს ლევან ბეჟაშვილი.