"ქართული ოცნება" უკრაინის დასახმარებლად წასულ ქართველებს ციხით აშინებს. ხელისუფლება მებრძოლებს მეგობარ ქვეყანაში წასვლას უკრძალავს, წასვლის შემთხვევაში კი დაბრუნების დროს 3 წლით აპატიმრებს.
ეს პასუხი მიიღო აკაკი ვარდანაშვილმა "ოცნებისგან", როდესაც გადაწყვიტა პუტინის ომში უკრაინის დასაცავად ებრძოლა. ჯერ ხელისუფლებამ, შემდეგ კი საელჩომ ქვეყანაში დარჩენა მოსთხოვა და პირდაპირ უთხრა ქართველ მებრძოლს, რომ რუსეთ-უკრაინის ომში არ უნდა ჩარეულიყო, რადგან ეს სხვისი ბრძოლა იყო.
აკაკი ვარდიაშვილი მუქარის მიუხედავად უკრაინაში მაინც წავიდა, თუმცა როგორც ის ამბობს, თუ საკუთარ სამშობლოში დაბრუნდება, დააპატიმრებენ.

"თანამშრომელია, არ დავასახელებ მის გვარსა და სახელს. მითხრა, შენ რომ ჩამოხვალ წახვალ ციხეში, იმიტომ რომ უკანონო ფორმირებას ჩადიხარ. საელჩოში მივედი და საელჩომ განმიმარტა, ავუხსენი ხო იცით რა ხდება უკრაინაში ებრძვის, საერთო მტერი გვყავს და ებრძვის. არა ჩვენ არავინ გვებრძვის და შენ არ გაქვს უფლება, რომ სხვის ქვეყანაში მიხვიდე და ჩაერიო საომარ მოქმედებებში. მე განვუმარტე, რომ საერთო მტერია, ამათი გამარჯვება ჩვენი გამარჯვება არის ვუხსნი, არა თავი გაიქნია უბრალოდ, ეს ასე არ არის", - თქვა აკაკი ვარდანაშვილმა.