G20-ის დახურულ შეხვედრაზე გამოსვლისას აშშ-ის სახელმწიფო მდივანმა ენტონი ბლინკენმა პირდაპირ მიმართა რუსეთის უმაღლეს დიპლომატს სერგეი ლავროვს და მოსთხოვა მოსკოვს, დაუშვას უკრაინის მარცვლეულის ექსპორტი. 
ბლინკენმა არაერთხელ დაადანაშაულა რუსეთი მარცვლეულის გადაზიდვების დაბლოკვაში და გლობალური კრიზისის გამოწვევაში.
„ჩვენს რუს კოლეგებს: უკრაინა არ არის თქვენი ქვეყანა. მისი მარცვლეული არ არის თქვენი მარცვლეული. რატომ ბლოკავთ პორტებს?  თქვენ უნდა გამოუშვათ მარცვლეული“, - უთხრა ბლინკენმა ლავროვს, მოლაპარაკებებზე დამსწრე დასავლელი ოფიციალური პირის თქმით.
ცნობისთვის, ლავროვმა ბლინკენთან ცალკე შეხვედრაზე უარი თქვა.