„მთავარი არხის“ დამფუძნებელმა ნიკა გვარამიამ საპატიმროდან „TV პირველს“ მისცა ინტერვიუ. გვარამიამ 24 ივნისის აქციაზე გაჟღერებულ ტექნიკური მთავრობის შექმნაზე ისაუბრა. მისი თქმით, ტექნიკური მთავრობის შექმნა განუხორციელებელი იდეაა.
„არ მიმაჩნია სწორად გარდამავალი თუ ტექნიკური მთავრობა, ეს განუხორციელებელი იდეა მგონია. ამავდროულად, 12 პუნქტი, რომელზედაც ვლაპარაკობთ, არც ერთი პუნქტი არ არის მთავრობის შესასრულებელი პრაქტიკულად. შეკითხვა ისმის, რას ემსახურება მაშინ ეს იდეა? მე არ ვამბობ, რომ ეს იდეა ცუდია, მაგრამ არასწორია. თან ძალიან მოწყვლადი იდეაა, იმიტომ, რომ ყველაფერი, რაც უკავშირდება თანამდებობების და სახელებს და გვარებს არის ბიძინა ივანიშვილის პროპაგანდის წინაშე, ხალხისთვისაც მოწყვლადია, სხვა განცდები ჩნდება. უნდა ვილაპარაკოთ მარტივად და მკაფიოდ. შიგნით აქციით, გარეთ სანქციით. ოპოზიციის და ენჯეოების დაუღალავი მუშაობით ჩვენ უნდა მივაღწიოთ ვადამდელ არჩევნებს“, - განაცხადა გვარამიამ.