დიდი ბრიტანეთის პრემიერ-მინისტრის ბორის ჯონსონის განცხადებით, უკრაინის პრეზიდენტმა ვოლოდიმირ ზელენსკიმ რუსული საოკუპაციო ძალების მოგერიების და 24 თებერვლამდე პოზიციების დაბრუნების გეგმა შეიმუშავა. ამის შესახებ ჯონსონმა ნატოს წევრი ქვეყნების სამიტზე განაცხადა.
პრემიერმა აღნიშნა, რომ სამიტების დაწყებამდე ცოტა ხნით ადრე უკრაინას ეწვია, რათა რეალური წარმოდგენა შეჰქმნოდა ზელენსკისა და მისი ადმინისტრაციის პოზიციაზე და გაერკვია, როგორ აფასებენ სიტუაციას.
„ისინი ხედავენ გზას, რომ შეიცვალოს დინამიკა წელს, მომდევნო რამდენიმე თვეში“, - განაცხადა ჯონსონმა.
ჯონსონმა დასძინა, რომ უკრაინის პარტნიორები ქვეყანას მაქსიმალურად უნდა დაეხმარონ.
„მათ აჩვენეს, რომ შეუძლიათ საპასუხო ბრძოლა. მათ შეუძლიათ აჩვენონ საპასუხო ბრძოლის საოცარი უნარი“ - თქვა მან.