საქართველოს პრემიერის ირაკლი ღარიბაშვილის განცხადებით, საქართველო შეასრულებს ევროკავშირის მიერ მოთხოვნილ 12-ვე პირობას, რათა ქვეყანამ მიიღოს ალიანსის კანდიდატი ქვეყნის სტატუსი.
„[მოვისმინეთ] ევროპელი ლიდერების დაპირება, რომ როგორც კი ჩვენ შევასრულებთ მათ მიერ განსაზღვრულ პრიორიტეტებს, მაშინვე მიენიჭება ქვეყანას კანდიდატის სტატუსი.
ეს რა თქმა უნდა, ჩვენ გვაძლევს დამატებით მოტივაციას, რომ რაც შეიძლება მოკლე დროში შევასრულოთ ყველა ის პირობა, პრიორიტეტი, რომელიც იქნა განსაზღვრული ევროკავშირის მიერ. ჩვენ ამისთვის ვართ მზად. ხელისუფლება მობილიზებულია იმისთვის, რომ დროულად შევასრულოთ ყველა პირობა, რომელიც განსაზღვრული იქნა ევროკავშირის მიერ.
იმისთვის, რომ რაც შეიძლება დროულად მივიღოთ კანდიდატის სტატუსი“, – განაცხადა ირაკლი ღარიბაშვილმა.
ირაკლი ღარიბაშვილმა სიტყვით გამოსვლის დროს ასევე მიულოცა მოლდოვასა და უკრაინას კანდიდატი ქვეყნის სტატუსის მიღება და კიდევ ერთხელ გაიმეორა, რომ მათ შემთხვევაში სტატუსის მიღება ერთგვარი წახალისება, საჩუქარი იყო.