პოლიტიკოსი გიგი უგულავა აცხადებს, რომ ფრაზა "ჩვენ უნდა ვაიძულოთ ხელისუფლება შეასრულოს ვალდებულებები კანდიდატობისთვის" პრინციპულად არასწორია. მისი თქმით, გამოსავალი მთავრობის გადადგომაშია, ხოლო ახალმა კოალიციამ უნდა გააკეთოს ის, რაც ევროკავშირის კანდიდატობას მოგვცემს.

"პრინციპულად არასწორი ფრაზაა - "ჩვენ უნდა ვაიძულოთ ხელისუფლება შეასრულოს ვალდებულებები კანდიდატობისთვის"
განმარტებისათვის: ეს ფრაზა გულისხმობს, რომ სადაც აღმოვჩნდით, ვიღაც მესამეს ბრალია, და არა ივანიშვილის და ოცნების. ნიშნავს რომ ივანიშვილს კიდევ აქვს რესურსი ქვეყნის დეოლიგარქიზაციის; ნიშნავს - ეს ღარიბაშვილ-კობახიძის ბრალია და არა ივანიშვილის შეგნებული არჩევანი
მოკლედ, ეს ფრაზა ან მავნებლისაა ან სასარგებლო იდიოტის
გამოსავალია, "მათი იძულება" გადადგნენ და ახალმა კოალიციამ გააკეთოს უმოკლეს ვადაში ის, რაც ევროკავშირის კანდიდატობას მოგვცემს წლის ბოლოს", - წერს გიგი უგულავა. 

ცნობისთვის, დღეს, 20:00 საათზე პარლამენტის წინ აქცია "შინ ევროპისკენ" გაიმართება, სადაც საზოგადოება ხელისუფლებას კონკრეტულ მოთხოვნებს წაუყენებს.