საქართველოს პრემიერ - მინისტრის თქმით, ევროკომისიამ ისტორიული გადაწყვეტილება მიიღო და პირველად გაჩნდა ჩანაწერი, რომ საქართველოს პერსპექტივა მიენიჭოს, რათა ევროკავშირის წევრი ქვეყანა გახდეს.
ეს განცხადება ირაკლი ღარიბაშვილმა მთავრობის სხდომაზე გააკეთა. 
"17 ივნისს, ევროკომისიამ ისტორიული გადაწყვეტილება მიიღო - პირველად გაჩნდა ისტორიული ჩანაწერი, რომ ევროკავშირი და ევროკომისია ევროპულ საბჭოს აძლევს რეკომენდაციას, რომ საქართველოს პერსპექტივა მიენიჭოს, რათა ევროკავშირის წევრი ქვეყანა გახდეს. როგორ ევროკომისიის პრეზიდენტმა, ქალბატონმა ურსულამ განაცხადა, ევროპამ საქართველოს კარი გაუღო. ეს ნამდვილად ისტორიული გადაწყვეტილებაა. თითოეულ ქართველს ვულოცავ ამ ისტორიული გადაწყვეტილების მიღებას," - განაცხადა ირაკლი ღარიბაშვილმა.