რუსებს არც კი ესმით რისთვის იბრძვიან, ჩვენ კი დამოუკიდებლობისთვის ვიბრძვით - არახამია
უკრაინის უმაღლეს რადაში უმრავლესობის ლიდერის, დავით არახამიას თქმით, უკრაინა არც ერთი სცენარის შემთხვევაში არ დათმობს ტერიტორიებს და ბოლომდე იბრძოლებს. ამის შესახებ მან Fox News-თან ინტერვიუში ისაუბრა.
არახამიამ აშშ-ს უკრაინისთვის შორ მანძილზე მოქმედი სისტემების გაგზავნისკენ მოუწოდა.
არახამიამ აშშ-ს უკრაინისთვის შორ მანძილზე მოქმედი სისტემების გაგზავნისკენ მოუწოდა.
"ბოლო დროს გვესმის არაოფიციალური ინფორმაცია, არა ბაიდენის ადმინისტრაციისგან, არამედ სხვა ადგილებიდან, რომ ომით დაღლილობა მოდის, რომ ამერიკელებს მალე არჩევნები ექნებათ, რომ ევროპაში გაზის ფასთან დაკავშირებით იქნება პრობლემები ზამთრის მოახლოებასთან ერთად და ა.შ. ამიტომ უკრაინელებს ზოგიერთი ტერიტორიის დათმობა მოუწევთ, ასეთი სცენარი შეუძლებელია, ჩვენ ვიბრძოლებთ ბოლომდე, უამრავი ჯარისკაცი გვყავს, რომელიც საოცრად მოტივირებულია და მათი მოტივაცია რამდენჯერმე აღემატება რუსებისას, იმიტომ რომ რუსები სრულიად უცნობ ტერიტორიაზე იბრძვიან და ისიც კი არ ესმით, რისთვის აკეთებენ ამას, ჩვენ კი დამოუკიდებლობისთვის ვიბრძვით. ჩვენ ახლა გვჭირდება შორ მანძილზე მოქმედი ჰაიმარსის სისტემები და თუ ამერიკული მთავრობა პოლიტიკურ ნებას გამოიჩენს და მოგვცემს ამ სისტემას, აგვისტოსთვის, ჩვენ დამოუკიდებლობის დღეს ძალიან კარგ ხასიათზე აღვნიშნავთ", - თქვა დავით არახამიამ Fox News-სთან ინტერვიუში.