ხარკოვში უკრაინის შეიარაღებულმა ძალებმა 40-ზე მეტი რუსი ოკუპანტი გაანადგურეს
ხარკოვის ოლქში უკრაინულმა არტილერიამ გაანადგურა მე-20 არმიის საკონტროლო პუნქტი, დაიღუპა 40-ზე მეტი რუსი ოკუპანტი - ამის შესახებ უკრაინელმა ჟურნალისტმა რომან ციმბალიუკმა Facebook-ის საკუთარ გვერდზე დაწერა.
"ხარკოვის რეგიონში უკრაინის შეიარაღებული ძალების საარტილერიო დარტყმის შედეგად, განადგურდა დასავლეთის სამხედრო ოლქის საგუშაგოზე ყველა პერსონალი დაიღუპა (40-ზე მეტი ადამიანი), მათ შორის: მე-20 არმიის უმაღლესი სამეთაურო ქვედანაყოფის სამხედრო მოსამსახურეები. გარდაცვლილთა ვინაობა ვერ დგინდება როგორც ცხედრების სრული დაწვის, ასევე შენობის ჩამონგრევის გამო"- წერს უკრაინელი ჟურნალისტი.ცნობისთვის, მანამდე უკრაინის შეიარაღებული ძალების გენერალურმა შტაბმა გაავრცელა ინფორმაცია, რომ მე-15 ცალკეული მოტომსროლელი ბრიგადის 800 რუსი სამხედრო მოსამსახურე უკრაინის ტერიტორიაზე ბრძოლებში დაიღუპა და 400 ადამიანი დაშავდა.როგორც UNIAN იტყობინება, უკრაინელმა მებრძოლებმა აიძულეს მტერი დაეტოვებინა ხარკოვის ოლქის სოფელი დმიტრივკა.