ევროპარლამენტის პრეზიდენტი რობერტა მეცოლა ევროკომისიის მიერ სამი ქვეყნისთვის ევროკავშირის წევრობის კანდიდატის მინიჭების შესახებ რეკომენდაციას გამოეხმაურა.
მისი თქმით, ევროპარლამენტი მიესალმება უკრაინისთვის და მოლდოვასთვის სტატუსის მინიჭების რეკომენდაციას, რაც შეეხება საქართველოს, როგორც მეცოლამ აღნიშნა, ისინი იმუშავებენ იმისთვის, რომ იგივე შესაძლებლობა საქართველომაც მიიღოს.
„უკრაინისთვის კანდიდატის სტატუსი ძლიერ პოლიტიკურ სიგნალს აგზავნის ავტოკრატიის წინააღმდეგ, თავისუფლებისთვის. ევროპარლამენტის სახელით მივესალმები ევროკომისიის რეკომენდაციას. დღევანდელი გადაწყვეტილება გვაძლევს შესაძლებლობას, რომ ევროსაბჭომ უკრაინას კანდიდატის სტატუსი მიანიჭოს.
ჩვენ, ასევე, მივესალმებით მოლდოვასთვის კანდიდატის სტატუსის მინიჭების რეკომენდაციას და ვიმუშავებთ იმისთვის, რომ იგივე შესაძლებლობა მივცეთ ქართველ ხალხს. ჩვენი კარი ღია უნდა დარჩეს, რათა გავაძლიეროთ ევროპა და დავიცვათ ჩვენი ღირებულებები და თავისუფლება“, - წერს მეცოლა ტვიტერზე.
           ინფორმაციისთვის, ევროკავშირის წევრობის კანდიდატის სტატუსი უკრაინას და მოლდოვას მიანიჭეს, საქართველოს კი კანდიდატის სტატუსის მისაღებად პირობების შესრულება მოუწევს.