უკრაინის თავდაცვის მინისტრის, ოლექსეი რეზნიკოვის თქმით, დასავლეთის თავდაცვის ოფიციალურმა წარმომადგენლებმა უთხრეს, რომ უკრაინის სამხედრო მხარდაჭერა "არასდროს შეჩერდება".
რეზნიკოვის განცხადებით, აშშ-ის თავდაცვის მდივანმა, დიდი ბრიტანეთის თავდაცვის მდივანმა და სხვა დასავლელმა ოფიციალურმა პირებმა თქვეს: "ოლექსეი, ნუ ინერვიულებ, ჩვენ არ გავჩერდებით. ჩვენ გავაგრძელებთ თქვენი ქვეყნის, თქვენი ხალხისა და თქვენი პრეზიდენტის დახმარებას".

"მოვისმინე ეს გუშინ და ვიგრძენი აბსოლუტურად გულწრფელად, დავინახე ლოიდ ოსტინის თვალები, მაგალითად... დავინახე რეალური გაგება, რომ ისინი არასდროს შეჩერდებიან", - თქვა რეზნიკოვმა.

მისი თქმით, აშშ და დასავლეთი უკრაინას არა მხოლოდ სამხედრო, არამედ ფინანსურს, ეკონომიკურ და პოლიტიკუ მხარდაჭერას ჰპირდება.

"ვფიქრობ, მათ [დასავლელმა მოკავშირეებმა] გადაწყვიტეს, რომ სურთ იყვნენ პარტნიორები ამ გამარჯვებაში", - თქვა რეზნიკოვმა.

რეზნიკოვის განცხადებით, რუსეთი ახლა ნატო-ს მოწინააღმდეგედ განიხილება და არა სტრატეგიულ პარტნიორად. ის დარწმუნებულია, რომ ნატო-სთვის, ევროკავშირისთვის და მსოფლიო უსაფრთხოებისთვის მთავარი საფრთხე სწორედ რუსეთია.